«دەۋلەت» سپورت كومبيناتىندا تەننيستەن ٶتٸپ جاتقان قازاقستان قىسقى چەمپيوناتىندا جارتىلاي فينالعا ٶتكەندەر بەلگٸلٸ بولدى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, ەيەلدەر اراسىندا بٸرٸنشٸ راكەتكا بولىپ تٸركەلگەن ارۋجان ساعىندىقوۆا ەرتەڭ ۋليانا رومانوۆامەن كەزدەسەدٸ. ولاردىڭ ەكەۋٸ دە - ەلوردالىقتار.
ال 2016 جىلعى ەل چەمپيونى, شىمكەنتتٸك گٶزال اينيتدينوۆا تاعى بٸر ەلوردالىق جانەل رٷستەموۆامەن شەبەرلٸك بايقاسادى.
شيرەك فينالدا گ.اينيتدينوۆا 14 جاسار الماتىلىق اسىلجان ارىستانبەكوۆانى 6:4, 6:4 ەسەبٸمەن ۇتسا, ج.رٷستەموۆا ٶتكەن جىلعى بٸرٸنشٸلٸكتٸڭ كٷمٸس جٷلدەگەرٸ, تاعى بٸر الماتىلىق مارييا سينيتسىنانى 6:1, 7:5-پەن جولدان تايدىردى.
ۋ.رومانوۆا اسا تارتىستى بەسەكەدە ەلوردالىق ساندۋعاش كەنجەباەۆانى 6:4, 2:6, 6:4 ەسەبٸمەن جەڭٸپ كەتتٸ. ال ا.ساعىندىقوۆانىڭ پاۆلودارلىق سوفيا چۋرسينامەن كەزدەسۋٸ تٸپتٸ تارتىستى بولدى. بٸرٸنشٸ سەتتە ارۋجان باسىمدىلىق كٶرسەتتٸ - 6:4. ەكٸنشٸسٸندە سوفيا قارىمتا قايىردى - 6:1. ٷشٸنشٸ, شەشۋشٸ پارتييادا ەسەپ 5:2 بولعان مەزەتتە چۋرسينا ٷش بٸردەي ماتچبولىن پايدالانا المادى. ەسەسٸنە كٷش العان ارۋجان بۇدان كەيٸن بەت قاراتپادى - 7:5.
ەرلەر اراسىندا توسىن نەتيجە بولعان جوق. جەكەلەي سىندا جارتىلاي فينالدا شىمكەنتتٸك دوستانبەك تاشبولاتوۆ قىزىلوردالىق ەرسۇلتان ەردٸلدامەن, نۇر-سۇلتان ٶكٸلٸ يسلام ورىنباسار تەمٸرتاۋلىق گريگوريي لوماكينمەن كورتقا شىعادى. شيرەك فينالدا د.تاشبولاتوۆ نيكيتا سيدوروۆتىڭ مەسەلٸن قايىردى - 6:2, 6:3. گ.لوماكين دە جاس تەننيسشٸ ماكسيم باتيۋتەنكومەن كەزدەسۋدە قينالعان جوق - 6:3, 6:1. ە.ەردٸلدا جەڭگٸر الماشەۆتٸ ۇتتى - 7:5, 6:2. ي.ورىنباسار روديون پاكتان باسىم تٷستٸ - 4:6, 6:4, 6:2.
