Oslo qalasynda 4-5 naýryzda ótetin Devis kýbogy irikteý matchynda kimderdiń oinaityny belgili boldy. Bul týraly baspasóz máslihatynda aityldy, dep habarlaidy QazAqparat.
Qazaqstan tennis federatsiiasy málim etkenindei, atalmysh matchta elimizdiń namysyn Aleksandr Býblik, Mihail Kýkýshkin, Andrei Golýbev, Aleksandr Nedovesov jáne Dmitrii Popko qorǵaidy.
Norvegiia tarapynan Kasper Rýýd, Viktor Dýrasovich, Lýkas Hellým Lillengen, German Hoieral jáne Simen Sýnde Bratholm matchqa daiyn.
Qazaqstan quramasynyń kapitany Iýrii Shýkin qarsylasty baǵalaý kerektigin jetkizdi.
«Norvegiia tennisshileri reitingte tómen turǵanyna qaramastan, quramy osal emes. Eki kúnge joǵary deńgeidegi bes oiyn belgilengen. Sondyqtan biz bárine ázir bolýymyz kerek», dedi Iu.Shýkin.
«Qazaqstandyqtardyń tájiribesi mol. Al Norvegiia quramasynda barlyǵy jastar, kúsh-jigeri jetkilikti. Biz sony paidalanǵymyz keledi», Norvegiia quramasynyń kapitany Anders Hoset.
Eske sala keteiik, budan buryn Zańǵar Nurlanulynyń Eýropa reitingisinde qaita kósh bastaǵanyn jazǵan bolatynbyz.
