Koronavirýs indetiniń taralýyna bailanysty jýyrda Ýimbldon týrniriniń bolmaityny jóninde jariia etilmek, dep habarlaidy "Ult aqparat".
Ulttyq olimpiada komitetinen málim etkendei, álemdegi eń iri jarystyń biri 29 maýsym men 12 shilde aralyǵynda ótýi kerek edi.
Osy aptada Búkilaǵylshyndyq laýn-tennis klýby direktorlarynyń shuǵyl keńesi ótip, onda týrnirdiń bolmaityny jóninde sheshim qabyldanbaq.
Osylaisha, Ýimbldon týrniri 1945 jyldan beri birinshi ret ótpei qalaiyn dep tur.
Germaniia tennis federatsiiasynyń vitse-prezidenti Dirk Hordorf ta jarysty uiymdastyrýshylardyń 1 sáýir kúni resmi málimdeme jasaitynyn aitty.
«Men ATP jáne WTA basshylarymen bailanystamyn, olar qajetti sheshimdi qabyldady. Endi Ýimbldondy uiymdastyrýshylar týrnirdiń bolmaityny jónindegi sheshimdi jariia etpekshi. Bul qazirgidei jaǵdaida durys ta, qajetti dep esepteimin. Koronavirýsqa bailanysty osyndai shekteýler kezinde kúlli álemnen júzdegen myń adam aǵylatyn mundai halyralyq jarysty ótkizý múmkin emes», - dep keltiredi D.Hordorftyń sózin Reuters agenttigi.
Qazirgi tańda barlyq tennis týrnirleri jazǵa deiin toqtatylǵany belgili.
Ýimbldon jarysy – jyl saiyn ótetin tórt «Úlken dýlyǵa» týrniriniń biri. Budan buryn «Rolan Garros» týrniri kúzge qaldyrylǵan bolatyn.
Eske sala keteiik, budan buryn Tokio Olimpiadasynyń qashan ótetini belgili bolǵanyn jazǵan edik.
