Qazaqstandyq Zarina Diias Osaka WTA týrniriniń shirek finalyna shyǵa almady, dep habarlaidy "Ult aqparat" QazAqparat agenttigine silteme jasap.
Dúniejúzilik reitingte 85-orynda turǵan Z.Diias ekinshi ainalymda osy jarystyń besinshi, álemniń 16-raketkasy, amerikalyq Medison Kispen kezdesti.
Tartysty órbigen birinshi partiiada esep 6:5 bolǵanda, qazaqstandyq tennisshi breik jasai bildi – 7:5.
Ekinshi partiiada Zarina dop bergen birinshi geim uzaqqa sozylyp, Kis breik jasap ketti – 1:0. Sodan soń amerikalyq sportshy des bergen joq – 6:0.
Úshinshi setti bastaǵan Z.Diias bul joly qarsylasynyń breik jasaýyna múmkindik bermedi. Úshinshi geimde M.Kis breik jasap, alǵa shyqqanymen, Zarina sol boida teńestirdi – 2:2. Degenmen amerikalyq tennisshi set barysynda taǵy bir breikke qol jetkizip, matchty jeńispen aiaqtai aldy – 6:4.
Tartysty báseke 2 saǵat 7 minýtqa sozyldy.
M.Kis shirek finalda kezinde reitingte kósh bastaǵan, qazir álemniń 15-raketkasy, germaniialyq Anjelika Kerbermen sheberlik baiqasady.
Eske sala keteiik, budan buryn Iýliia Pýtintsevanyń Osaka týrniriniń ekinshi ainalymyna shyqqanyn, Mihail Kýkýshkinniń Sankt-Peterbor jarysyn sátti bastaǵanyn, al Elena Rybakinanyń Qytaidaǵy dodada utylyp qalǵanyn jazǵan bolatynbyz.
