قازاقستاندىق زارينا ديياس وساكا WTA تۋرنيرٸنٸڭ شيرەك فينالىنا شىعا المادى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
دٷنيەجٷزٸلٸك رەيتينگتە 85-ورىندا تۇرعان ز.ديياس ەكٸنشٸ اينالىمدا وسى جارىستىڭ بەسٸنشٸ, ەلەمنٸڭ 16-راكەتكاسى, امەريكالىق مەديسون كيسپەن كەزدەستٸ.
تارتىستى ٶربٸگەن بٸرٸنشٸ پارتييادا ەسەپ 6:5 بولعاندا, قازاقستاندىق تەننيسشٸ برەيك جاساي بٸلدٸ – 7:5.
ەكٸنشٸ پارتييادا زارينا دوپ بەرگەن بٸرٸنشٸ گەيم ۇزاققا سوزىلىپ, كيس برەيك جاساپ كەتتٸ – 1:0. سودان سوڭ امەريكالىق سپورتشى دەس بەرگەن جوق – 6:0.
ٷشٸنشٸ سەتتٸ باستاعان ز.ديياس بۇل جولى قارسىلاسىنىڭ برەيك جاساۋىنا مٷمكٸندٸك بەرمەدٸ. ٷشٸنشٸ گەيمدە م.كيس برەيك جاساپ, العا شىققانىمەن, زارينا سول بويدا تەڭەستٸردٸ – 2:2. دەگەنمەن امەريكالىق تەننيسشٸ سەت بارىسىندا تاعى بٸر برەيككە قول جەتكٸزٸپ, ماتچتى جەڭٸسپەن اياقتاي الدى – 6:4.
تارتىستى بەسەكە 2 ساعات 7 مينۋتقا سوزىلدى.
م.كيس شيرەك فينالدا كەزٸندە رەيتينگتە كٶش باستاعان, قازٸر ەلەمنٸڭ 15-راكەتكاسى, گەرمانييالىق انجەليكا كەربەرمەن شەبەرلٸك بايقاسادى.
ەسكە سالا كەتەيٸك, بۇدان بۇرىن يۋلييا پۋتينتسەۆانىڭ وساكا تۋرنيرٸنٸڭ ەكٸنشٸ اينالىمىنا شىققانىن, ميحايل كۋكۋشكيننٸڭ سانكت-پەتەربور جارىسىن سەتتٸ باستاعانىن, ال ەلەنا رىباكينانىڭ قىتايداعى دودادا ۇتىلىپ قالعانىن جازعان بولاتىنبىز.
