Qazaqstannyń birinshi, álemniń 36-raketkasy Aleksandr Býblik Monte-Karlo ATP Masters 1000 týrnirin jeńispen bastady, dep habarlaidy QazAqparat.
Qazaqstandyq tennisshi alǵashqy ainalymda álemniń burynǵy úshinshi raketkasy, qazirgi kezde reitingte 236-orynda turǵan «Úlken dýlyǵa» týrniriniń úsh dúrkin jeńimpazy, shveitsariialyq Stanislas Vavrinkamen kezdesti.
Jaraqatyna bailanysty kópten beri oinamaǵan 37 jastaǵy shveitsariialyq sportshynyń bul sońǵy 12 aidaǵy ekinshi oiyny edi.
Birinshi partiiany Býblik breikpen bastaǵanymen, S.Vavrinka kúsh alyp ketti – 6:3.
Esesine ekinshi sette Býblik ese qaiyrdy – 7:5.
Sheshýshi, úshinshi partiiany qazaqstandyq sportshy breikpen támamdady – 6:2.
Eki saǵattan astam ýaqytqa sozylǵan match barysynda Býblik 14 eis jasap, 11 breik-pointtyń beseýin paidalandy. Qarsylasy 4 eis, 3 breikten (8 breik-point) asa alǵan joq.
Býblik jalpy júlde qory 5,8 mln eýroǵa baǵalanǵan masters jarysynyń úshinshi ainalymyna shyǵý úshin álemniń 19-raketkasy, ispaniialyq Pablo Karreno-Býsta nemese reitingte 66-satydaǵy argentinalyq Sebastian Baestiń bireýimen talasady.
