قازاقستاننىڭ بٸرٸنشٸ, ەلەمنٸڭ 36-راكەتكاسى الەكساندر بۋبليك مونتە-كارلو ATP Masters 1000 تۋرنيرٸن جەڭٸسپەن باستادى, دەپ حابارلايدى قازاقپارات.
قازاقستاندىق تەننيسشٸ العاشقى اينالىمدا ەلەمنٸڭ بۇرىنعى ٷشٸنشٸ راكەتكاسى, قازٸرگٸ كەزدە رەيتينگتە 236-ورىندا تۇرعان «ٷلكەن دۋلىعا» تۋرنيرٸنٸڭ ٷش دٷركٸن جەڭٸمپازى, شۆەيتسارييالىق ستانيسلاس ۆاۆرينكامەن كەزدەستٸ.
جاراقاتىنا بايلانىستى كٶپتەن بەرٸ ويناماعان 37 جاستاعى شۆەيتسارييالىق سپورتشىنىڭ بۇل سوڭعى 12 ايداعى ەكٸنشٸ ويىنى ەدٸ.
بٸرٸنشٸ پارتييانى بۋبليك برەيكپەن باستاعانىمەن, س.ۆاۆرينكا كٷش الىپ كەتتٸ – 6:3.
ەسەسٸنە ەكٸنشٸ سەتتە بۋبليك ەسە قايىردى – 7:5.
شەشۋشٸ, ٷشٸنشٸ پارتييانى قازاقستاندىق سپورتشى برەيكپەن تەمامدادى – 6:2.
ەكٸ ساعاتتان استام ۋاقىتقا سوزىلعان ماتچ بارىسىندا بۋبليك 14 ەيس جاساپ, 11 برەيك-پوينتتىڭ بەسەۋٸن پايدالاندى. قارسىلاسى 4 ەيس, 3 برەيكتەن (8 برەيك-پوينت) اسا العان جوق.
بۋبليك جالپى جٷلدە قورى 5,8 ملن ەۋروعا باعالانعان ماستەرس جارىسىنىڭ ٷشٸنشٸ اينالىمىنا شىعۋ ٷشٸن ەلەمنٸڭ 19-راكەتكاسى, يسپانييالىق پابلو كاررەنو-بۋستا نەمەسە رەيتينگتە 66-ساتىداعى ارگەنتينالىق سەباستيان باەستٸڭ بٸرەۋٸمەن تالاسادى.
