Elordada tennisten erler men áielder arasynda QR qysqy chempionaty márege jetti, dep habarlaidy QazAqparat.
Qazaqstan tennis federatsiiasy málim etkenindei, áielder arasynda jarystyń birinshi jáne ekinshi raketkalary Jibek Qulambaeva men Gózal Ainitdinova finalda bas júldeni sarapqa saldy.
Tartysty ótken básekede J.Qulambaeva 6:3, 7:5 esebimen jeńiske jetti.
Jibek juptyq synda da ozyq shyqty. Ol Ekaterina Dmitrichenkomen birge finalda asa tartysty matchta Arýjan Saǵyndyqova men Sofia Chýrsinadan basym tústi – 4:6, 6:3, 10:7.
Osylaisha J.Qulambaeva absoliýtti chempion atandy.
Jekelei synda qola júlde úshin básekede Arýjan Saǵyndyqova E.Dmitrichenkony 6:4, 7:6 (7:4) esebimen jeńdi.
Erler arasynda Aqtaý qalasynyń túlegi Beibit Jýkaevtyń baǵy jandy. Ol saǵat jarymǵa sozylǵan finaldyq oiynda almatylyq Denis Evseevten ailasyn asyrdy – 7:6 (7:3), 6:2.
Sóitip 21 jastaǵy B.Jýkaev alǵash ret el birinshiliginiń jeńimpazy atandy.
Timýr Habibýllindi 6:1, 6:3 esebimen utqan Grigorii Lomakin qola júldege ie boldy.
Juptyq synda Denis Evseev pen Grigorii Lomakin jeńimpaz atansa, Beibit Jýkaev pen Timýr Máýlenov ekinshi, Aleksei Kedriýk pen Dostanbek Tashbolatov úshinshi orynǵa kóterildi.
