Qazaqstandyq Zańǵar Nurlanuly 14 jasqa deiingi tennisshiler arasynda Slovakiiadaǵy Tennis Europe seriiasy boiynsha ekinshi sanattaǵy Baseline Open U14 2022 týrniriniń absoliýtti chempiony atandy, dep habarlaidy QazAqparat.
Jekelei synnyń finalynda 13 jasar qazaqstandyq sportshy úsh settik tartysty matchta Sloveniianyń osy jastaǵylar arasyndaǵy birinshi raketkasy Zigo Sheshkony 3:6, 6:2, 7:6 (7:1) esebimen utty.
Match eki saǵat jarym ýaqytqa sozyldy.
Qazaqstannyń jas juldyzy osylaisha sporttyq jolyndaǵy besinshi, biylǵy ekinshi titýlyna qol jetkizdi.
Keshe Zańǵar juptyq synda Z.Sheshkomen birge finalda qytailyq Ianhong Li – chehiialyq Ian Rastitsany 6:2, 7:5 esebimen jeńgen edi.
«Jeńisten keiin bosańsýǵa ýaqyt joq, kishkene demalyp, Portýgaliiada ótetin sýper jarysqa barmaqshymyn. Sosyn el quramasy sapynda Úndistanǵa attanamyn, onda jasóspirimder arasyndaǵy álem chempionatyna irikteý matchtary ótedi. Qazaqstan namysyn alǵash ret qorǵaý úlken jaýapkershilikti júkteidi, ol ómir boiy esimde qalatyn bolady», dedi Zańǵar Nurlanuly.
