قازاقستاندىق زاڭعار نۇرلانۇلى 14 جاسقا دەيٸنگٸ تەننيسشٸلەر اراسىندا سلوۆاكيياداعى Tennis Europe سەريياسى بويىنشا ەكٸنشٸ ساناتتاعى Baseline Open U14 2022 تۋرنيرٸنٸڭ ابسوليۋتتٸ چەمپيونى اتاندى, دەپ حابارلايدى قازاقپارات.
جەكەلەي سىننىڭ فينالىندا 13 جاسار قازاقستاندىق سپورتشى ٷش سەتتٸك تارتىستى ماتچتا سلوۆەنييانىڭ وسى جاستاعىلار اراسىنداعى بٸرٸنشٸ راكەتكاسى زيگو شەشكونى 3:6, 6:2, 7:6 (7:1) ەسەبٸمەن ۇتتى.
ماتچ ەكٸ ساعات جارىم ۋاقىتقا سوزىلدى.
قازاقستاننىڭ جاس جۇلدىزى وسىلايشا سپورتتىق جولىنداعى بەسٸنشٸ, بيىلعى ەكٸنشٸ تيتۋلىنا قول جەتكٸزدٸ.
كەشە زاڭعار جۇپتىق سىندا ز.شەشكومەن بٸرگە فينالدا قىتايلىق يانحونگ لي – چەحييالىق يان راستيتسانى 6:2, 7:5 ەسەبٸمەن جەڭگەن ەدٸ.
«جەڭٸستەن كەيٸن بوساڭسۋعا ۋاقىت جوق, كٸشكەنە دەمالىپ, پورتۋگالييادا ٶتەتٸن سۋپەر جارىسقا بارماقشىمىن. سوسىن ەل قۇراماسى ساپىندا ٷندٸستانعا اتتانامىن, وندا جاسٶسپٸرٸمدەر اراسىنداعى ەلەم چەمپيوناتىنا ٸرٸكتەۋ ماتچتارى ٶتەدٸ. قازاقستان نامىسىن العاش رەت قورعاۋ ٷلكەن جاۋاپكەرشٸلٸكتٸ جٷكتەيدٸ, ول ٶمٸر بويى ەسٸمدە قالاتىن بولادى», دەدٸ زاڭعار نۇرلانۇلى.
