Qazaqstandyq Timofei Skatov Kiev chellendjer týrniriniń jartylai finalyna shyqty, dep habarlaidy QazAqparat.
Dúniejúzilik reitingte 299-orynda turǵan Skatov shirek finalda álemniń 283-raketkasy, portýgaliialyq Nýno Borgespen kúsh synasty.
Birinshi partiiada tai-breikte portýgaliialyq tennisshi ábjildik tanytty – 7:6 (7:5). Degenmen budan keiin qazaqstandyq sportshy oiyn tizginin qolyna ala bildi – 6:4, 6:4.
Úsh saǵattan astam ýaqytqa sozylǵan tartysty báseke barysynda Skatov 14 breik-pointtyń beseýin paidalandy. Qarsylasy 6 eis, 3 breikke (16 breik-point) qol jetkizdi.
Skatov finalǵa shyǵý úshin reitingte 291-satydaǵy italiialyq Franko Agamenonemen talasady. Ol ýkrainalyq Aleksei Krýtyhty 6:2, 6:3 esebimen utty.
Taǵy bir qazaqstandyq Dmitrii Popko shirek finalda túrkiialyq Ergi Kirkinmen sheberlik baiqasady.
