قازاقستاندىق تيموفەي سكاتوۆ كيەۆ چەللەندجەر تۋرنيرٸنٸڭ جارتىلاي فينالىنا شىقتى, دەپ حابارلايدى قازاقپارات.
دٷنيەجٷزٸلٸك رەيتينگتە 299-ورىندا تۇرعان سكاتوۆ شيرەك فينالدا ەلەمنٸڭ 283-راكەتكاسى, پورتۋگالييالىق نۋنو بورگەسپەن كٷش سىناستى.
بٸرٸنشٸ پارتييادا تاي-برەيكتە پورتۋگالييالىق تەننيسشٸ ەبجٸلدٸك تانىتتى – 7:6 (7:5). دەگەنمەن بۇدان كەيٸن قازاقستاندىق سپورتشى ويىن تٸزگٸنٸن قولىنا الا بٸلدٸ – 6:4, 6:4.
ٷش ساعاتتان استام ۋاقىتقا سوزىلعان تارتىستى بەسەكە بارىسىندا سكاتوۆ 14 برەيك-پوينتتىڭ بەسەۋٸن پايدالاندى. قارسىلاسى 6 ەيس, 3 برەيككە (16 برەيك-پوينت) قول جەتكٸزدٸ.
سكاتوۆ فينالعا شىعۋ ٷشٸن رەيتينگتە 291-ساتىداعى يتالييالىق فرانكو اگامەنونەمەن تالاسادى. ول ۋكراينالىق الەكسەي كرۋتىحتى 6:2, 6:3 ەسەبٸمەن ۇتتى.
تاعى بٸر قازاقستاندىق دميتريي پوپكو شيرەك فينالدا تٷركييالىق ەرگي كيركينمەن شەبەرلٸك بايقاسادى.
