Qazaqstandyq Timofei Skatov Almaty chellendjer týrniriniń jartylai finalyna shyqty, dep habarlaidy "Ult aqparat".
Dúniejúzilik reitingte 399-orynda turǵan 20 jastaǵy qazaqstandyq tennisshi shirek finalda álemniń 327-raketkasy, frantsiialyq Evan Fernespen kúsh synasty.
Birinshi partiiada frantsiialyq tennisshi basym boldy – 6:4.
Ekinshi sette tai-breikte qazaqstandyq sportshy jeńisti julyp aldy – 7:6 (10:8).
Úshinshi, sheshýshi partiiada T.Skatov sheberligin tanyta bildi– 6:4.
Asa tartysty ótken báseke 3 saǵat 5 minýtqa sozyldy.
T.Skatov finalǵa shyǵý úshin álemniń 279-raketkasy, taibeilik Tszen Tszenmen talasady. Ol shirek finalda eki saǵattan astam ýaqytqa sozylǵan matchta bolgariialyq Dimitar Kýzmanovty joldan taidyrdy – 7:6 (7:1), 6:3.
