تەننيس: تيموفەي سكاتوۆ الماتى تۋرنيرٸنٸڭ جارتىلاي فينالىنا شىقتى

قازاقستاندىق تيموفەي سكاتوۆ الماتى چەللەندجەر تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".

دٷنيەجٷزٸلٸك رەيتينگتە 399-ورىندا تۇرعان 20 جاستاعى قازاقستاندىق تەننيسشٸ شيرەك فينالدا ەلەمنٸڭ 327-راكەتكاسى, فرانتسييالىق ەۆان فەرنەسپەن كٷش سىناستى.

بٸرٸنشٸ پارتييادا فرانتسييالىق تەننيسشٸ باسىم بولدى – 6:4.

ەكٸنشٸ سەتتە تاي-برەيكتە قازاقستاندىق سپورتشى جەڭٸستٸ جۇلىپ الدى – 7:6 (10:8).

ٷشٸنشٸ, شەشۋشٸ پارتييادا ت.سكاتوۆ شەبەرلٸگٸن تانىتا بٸلدٸ– 6:4.

اسا تارتىستى ٶتكەن بەسەكە 3 ساعات 5 مينۋتقا سوزىلدى.

ت.سكاتوۆ فينالعا شىعۋ ٷشٸن ەلەمنٸڭ 279-راكەتكاسى, تايبەيلٸك تسزەن تسزەنمەن تالاسادى. ول شيرەك فينالدا ەكٸ ساعاتتان استام ۋاقىتقا سوزىلعان ماتچتا بولگارييالىق ديميتار كۋزمانوۆتى جولدان تايدىردى – 7:6 (7:1), 6:3.