Qazaqstandyq Timofei Skatov óz sporttyq jolynda alǵash ret «Úlken dýlyǵa» týrnirinde oinaidy, dep habarlaidy QazAqparat.
Qazaqstan tennis federatsiiasy málim etkenindei, Ckatov Aýstraliia ashyq chempionaty irikteý saiystarynyń finalynda portýgaliialyq Gashtaý Eliashpen kezdesti.
Qazaqstandyq tennisshi 6:4, 7:6 (7:5) esebimen jeńiske jetti. Ekinshi partiiada Timofei 2:5 esebimen utylyp jatyp, tarazy basyn teńestire bildi. Sodan keiin tai-breikte jeńisti julyp aldy. 1 saǵat 43 minýtqa sozylǵan báseke barysynda Skatov eis jasamaǵanymen, 7 breik-pointtyń tórteýin paidalandy. Qarsylasy 8 eis, 3 breikke (5 breik-point) qol jetkizdi.
Osylaisha 20 jastaǵy Petropavl qalasynyń týmasy Timofei eresekter arasynda birinshi ret Grand Slam dodasynda baq synamaq. Buǵan deiin ol jasóspirimder arasynda «Úlken dýlyǵada» óner kórsetip, 2017 jyly US Open jarysynda jartylai finalǵa deiin jetti.
Taǵy bir qazaqstandyq Dmitrii Popko irikteý saiystarynyń finalynda chehiialyq Irji Lehechkaǵa 6:4, 3:6, 3:6 esebimen ese jiberip, negizgi týrnirge óte almai qaldy.
