Qazaqstandyqtar Timofei Skatov pen Jibek Qulambaeva Mysyrdaǵy ITF týrniriniń jartylai finalyna shyqty, dep habarlaidy "Ult aqparat".
Sharm ál-Sheih qalasynda ótip jatqan jarysta álemniń 446-ynshy, osy dodanyń 6-raketkasy T.Skatov shirek finalda reitingte 711-oryndaǵy japoniialyq Shintaro Mochizýkimen kezdesti.
Qazaqstandyq tennisshi 6:3, 6:1 esebimen onsha qinalmai jeńiske jetti.
Munyń aldynda 19 jastaǵy T.Skatov ýkrainalyq Iýrii Djavakiandy 7:5, 7:6 (7:4), reseilik Evgenii Filippovty 6:4, 6:3 esebimen joldan taidyrǵan bolatyn.
Endi T.Skatov finalǵa shyǵý úshin reitingte 775-satydaǵy amerikalyq Feliks Korvinmen talasady.
Áielder arasyndaǵy osy jarysta álemniń 658-raketkasy, 20 jastaǵy Jibek Qulambaeva sátti óner kórsetýde.
Jibek aldymen reitinge ózinen tórt saty joǵary turǵan ulybritaniialyq Freia Kristidi 6:3, 6:1 esebimen tize búktirdi. Sodan keiin álemniń 476-raketkasy, ýkrainalyq Marianna Zakarliýkty tartysty kezdesýde 6:3, 4:6, 7:6 (7:5) esebimen tize búktirdi. Al búgin reitingte 1007-satydaǵy amerikalyq Emma Devisti 7:6 (8:6), 6:2 esebimen utty.
J.Qulambaeva reitingte 626-oryndaǵy taivandyq Djoanna Garlendti utsa, finalǵa shyǵady.
T.Skatov ta, J.Qulambaeva da – jas oiynshylar. Aldaǵy ýaqytta ITF ǵana emes, chellendjer, odan da iri dodalarda tabysqa jetse, reitingileri joǵarylaidy.
