تەننيس: سكاتوۆ پەن قۇلامباەۆا مىسىرداعى تۋرنيردٸڭ جارتىلاي فينالىنا شىقتى

قازاقستاندىقتار تيموفەي سكاتوۆ پەن جٸبەك قۇلامباەۆا مىسىرداعى ITF تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".

شارم ەل-شەيح قالاسىندا ٶتٸپ جاتقان جارىستا ەلەمنٸڭ 446-ىنشى, وسى دودانىڭ 6-راكەتكاسى ت.سكاتوۆ شيرەك فينالدا رەيتينگتە 711-ورىنداعى جاپونييالىق شينتارو موچيزۋكيمەن كەزدەستٸ.

قازاقستاندىق تەننيسشٸ 6:3, 6:1 ەسەبٸمەن ونشا قينالماي جەڭٸسكە جەتتٸ. 

مۇنىڭ الدىندا 19 جاستاعى ت.سكاتوۆ ۋكراينالىق يۋريي دجاۆاكياندى 7:5, 7:6 (7:4), رەسەيلٸك ەۆگەنيي فيليپپوۆتى 6:4, 6:3 ەسەبٸمەن جولدان تايدىرعان بولاتىن. 

ەندٸ ت.سكاتوۆ فينالعا شىعۋ ٷشٸن رەيتينگتە 775-ساتىداعى امەريكالىق فەليكس كورۆينمەن تالاسادى. 

ەيەلدەر اراسىنداعى وسى جارىستا ەلەمنٸڭ 658-راكەتكاسى, 20 جاستاعى جٸبەك قۇلامباەۆا سەتتٸ ٶنەر كٶرسەتۋدە.

جٸبەك الدىمەن رەيتينگە ٶزٸنەن تٶرت ساتى جوعارى تۇرعان ۇلىبريتانييالىق فرەيا كريستيدٸ 6:3, 6:1 ەسەبٸمەن تٸزە بٷكتٸردٸ. سودان كەيٸن ەلەمنٸڭ 476-راكەتكاسى, ۋكراينالىق مارياننا زاكارليۋكتى تارتىستى كەزدەسۋدە 6:3, 4:6, 7:6 (7:5) ەسەبٸمەن تٸزە بٷكتٸردٸ. ال بٷگٸن رەيتينگتە 1007-ساتىداعى امەريكالىق ەمما دەۆيستٸ 7:6 (8:6), 6:2 ەسەبٸمەن ۇتتى.

ج.قۇلامباەۆا رەيتينگتە 626-ورىنداعى تايۆاندىق دجواننا گارلەندتٸ ۇتسا, فينالعا شىعادى.

ت.سكاتوۆ تا, ج.قۇلامباەۆا دا – جاس ويىنشىلار. الداعى ۋاقىتتا ITF عانا ەمەس, چەللەندجەر, ودان دا ٸرٸ دودالاردا تابىسقا جەتسە, رەيتينگٸلەرٸ جوعارىلايدى.