Qazaqstannyń birinshi, álemniń 13-raketkasy Elena Rybakina jaraqatyna bailanysty Sidnei WTA 500 týrnirin jalǵastyra almady, dep habarlaidy QazAqparat.
Qazaqstan tennis federatsiiasy málim etkenindei Rybakina ekinshi ainalymda frantsiialyq Karolin Garsiiamen kezdesýi tiis bolatyn.
Ol ótken aptada Adelaida jarysynyń finalyna deiin jetip, tek álemniń birinshi raketkasy, aýstraliialyq Eshli Bartige jol bergen edi.
«Ótken aptadaǵy matchtyń kóptiginen jáne Sidneige kelip, keshegi básekeni ótkizgennen keiin aǵzam tolyqtai qalpyna kelmei, jambasymda aýyrsyný paida boldy. Jankúierlerime aitarym, ýaiymdamańyzdar, Aýstraliia ashyq chempionatyna deiin babyma kelip, onda mindetti túrde óner kórsetemin», dedi Elena Rybakina.
Eske sala keteiik, budan buryn Elena Rybakinanyń Sidneide US Open chempionyn utqanyn, qazaqstandyq úsh tennisshiniń Aýstraliia ashyq chempionaty irikteý saiystarynyń finalyna shyqqanyn jazǵan bolatynbyz.
