قازاقستاننىڭ بٸرٸنشٸ, ەلەمنٸڭ 13-راكەتكاسى ەلەنا رىباكينا جاراقاتىنا بايلانىستى سيدنەي WTA 500 تۋرنيرٸن جالعاستىرا المادى, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەنٸندەي رىباكينا ەكٸنشٸ اينالىمدا فرانتسييالىق كارولين گارسييامەن كەزدەسۋٸ تيٸس بولاتىن.
ول ٶتكەن اپتادا ادەلايدا جارىسىنىڭ فينالىنا دەيٸن جەتٸپ, تەك ەلەمنٸڭ بٸرٸنشٸ راكەتكاسى, اۋسترالييالىق ەشلي بارتيگە جول بەرگەن ەدٸ.
«ٶتكەن اپتاداعى ماتچتىڭ كٶپتٸگٸنەن جەنە سيدنەيگە كەلٸپ, كەشەگٸ بەسەكەنٸ ٶتكٸزگەننەن كەيٸن اعزام تولىقتاي قالپىنا كەلمەي, جامباسىمدا اۋىرسىنۋ پايدا بولدى. جانكٷيەرلەرٸمە ايتارىم, ۋايىمداماڭىزدار, اۋسترالييا اشىق چەمپيوناتىنا دەيٸن بابىما كەلٸپ, وندا مٸندەتتٸ تٷردە ٶنەر كٶرسەتەمٸن», دەدٸ ەلەنا رىباكينا.
ەسكە سالا كەتەيٸك, بۇدان بۇرىن ەلەنا رىباكينانىڭ سيدنەيدە US Open چەمپيونىن ۇتقانىن, قازاقستاندىق ٷش تەننيسشٸنٸڭ اۋسترالييا اشىق چەمپيوناتى ٸرٸكتەۋ سايىستارىنىڭ فينالىنا شىققانىن جازعان بولاتىنبىز.
