Qazaqstannyń birinshi, álemniń 16-raketkasy Elena Rybakina Ostrava (Chehiia) WTA 500 týrniriniń shirek finalyna shyqty, dep habarlaidy QazAqparat.
Osy jarystyń 7-raketkasy bolyp tirkelgen Rybakina ekinshi ainalymda dúniejúzilik reitingte 59-orynda turǵan Polsha ókili Magda Linetpen kezdesti.
Qazaqstandyq tennisshi 6:3, 2:6, 6:1 esebimen jeńiske jetti.
Saǵat jarymnan astam ýaqytqa sozylǵan matchta Rybakina 11 eis jasap, 8 breik-pointtyń beseýin paidalana bildi. Qarsylasy 4 eis, 3 breikpen (12 breik-point) shekteldi.
Rybakina júlde qory 565 myń AQSh dollarynan asatyn dodanyń jartylai finalyna shyǵý úshin álemniń 6-ynshy, osy týrnirdiń 1-raketkasy, taǵy bir poliak qyzy Iga Shventekpen talasady. I.Shventek ekinshi ainalymda Iýliia Pýtintsevany utqan bolatyn.
