قازاقستاننىڭ بٸرٸنشٸ, ەلەمنٸڭ 16-راكەتكاسى ەلەنا رىباكينا وستراۆا (چەحييا) WTA 500 تۋرنيرٸنٸڭ شيرەك فينالىنا شىقتى, دەپ حابارلايدى قازاقپارات.
وسى جارىستىڭ 7-راكەتكاسى بولىپ تٸركەلگەن رىباكينا ەكٸنشٸ اينالىمدا دٷنيەجٷزٸلٸك رەيتينگتە 59-ورىندا تۇرعان پولشا ٶكٸلٸ ماگدا لينەتپەن كەزدەستٸ.
قازاقستاندىق تەننيسشٸ 6:3, 2:6, 6:1 ەسەبٸمەن جەڭٸسكە جەتتٸ.
ساعات جارىمنان استام ۋاقىتقا سوزىلعان ماتچتا رىباكينا 11 ەيس جاساپ, 8 برەيك-پوينتتىڭ بەسەۋٸن پايدالانا بٸلدٸ. قارسىلاسى 4 ەيس, 3 برەيكپەن (12 برەيك-پوينت) شەكتەلدٸ.
رىباكينا جٷلدە قورى 565 مىڭ اقش دوللارىنان اساتىن دودانىڭ جارتىلاي فينالىنا شىعۋ ٷشٸن ەلەمنٸڭ 6-ىنشى, وسى تۋرنيردٸڭ 1-راكەتكاسى, تاعى بٸر پولياك قىزى يگا شۆەنتەكپەن تالاسادى. ي.شۆەنتەك ەكٸنشٸ اينالىمدا يۋلييا پۋتينتسەۆانى ۇتقان بولاتىن.
