Qazaqstannyń birinshi, álemniń 23-raketkasy Elena Rybakina Doha WTA 500 týrniriniń ekinshi ainalymyna shyǵa almady, dep habarlaidy "Ult aqparat".
Qazaqstandyq tennisshi alǵashqy ainalymda álemniń 56-raketkasy, germaniialyq Laýra Zigemýndpen kezdesti.
Birinshi partiiada germaniialyq sportshynyń tai-breikte joly boldy - 7:6 (9:7).
L.Zigemýnd ekinshi sette esep 3:3 bolǵan mezette breikpen alǵa ketti. Áitse de esep 5:3 bolyp, matchqa dop bergende, sol múmkindigin paidalana almady. Degenmen ol taǵy da tai-breikte jeńisti julyp aldy - 7:6 (7:5).
Asa tartysty ótken báseke 2 saǵat 31 minýtqa sozyldy.
L.Zigemýnd shirek finalǵa shyǵý úshin álemniń 14-raketkasy, Belarýs ókili Viktoriia Azarenkomen talasady.
Jýyrda Adelaida dodasynda dál osy germaniialyq tennisshini taǵy bir qazaqstandyq Iýliia Pýtintseva utqan bolatyn. Iýliia búiregine ota jasatqandyqtan, Doha jarysyna qatysa almady.
