تەننيس: رىباكينا دوحادا تارتىستى ماتچتا قارسىلاسىنا ەسە جٸبەردٸ

قازاقستاننىڭ بٸرٸنشٸ, ەلەمنٸڭ 23-راكەتكاسى ەلەنا رىباكينا دوحا WTA 500 تۋرنيرٸنٸڭ ەكٸنشٸ اينالىمىنا شىعا المادى, دەپ حابارلايدى "ۇلت اقپارات".

قازاقستاندىق تەننيسشٸ العاشقى اينالىمدا ەلەمنٸڭ 56-راكەتكاسى, گەرمانييالىق لاۋرا زيگەمۋندپەن كەزدەستٸ. 

بٸرٸنشٸ پارتييادا گەرمانييالىق سپورتشىنىڭ تاي-برەيكتە جولى بولدى - 7:6 (9:7).

ل.زيگەمۋند ەكٸنشٸ سەتتە ەسەپ 3:3 بولعان مەزەتتە برەيكپەن العا كەتتٸ. ەيتسە دە ەسەپ 5:3 بولىپ, ماتچقا دوپ بەرگەندە, سول مٷمكٸندٸگٸن پايدالانا المادى. دەگەنمەن ول تاعى دا تاي-برەيكتە جەڭٸستٸ جۇلىپ الدى - 7:6 (7:5). 

اسا تارتىستى ٶتكەن بەسەكە 2 ساعات 31 مينۋتقا سوزىلدى. 

ل.زيگەمۋند شيرەك فينالعا شىعۋ ٷشٸن ەلەمنٸڭ 14-راكەتكاسى, بەلارۋس ٶكٸلٸ ۆيكتورييا ازارەنكومەن تالاسادى. 

جۋىردا ادەلايدا دوداسىندا دەل وسى گەرمانييالىق تەننيسشٸنٸ تاعى بٸر قازاقستاندىق يۋلييا پۋتينتسەۆا ۇتقان بولاتىن. يۋلييا بٷيرەگٸنە وتا جاساتقاندىقتان, دوحا جارىسىنا قاتىسا المادى.