Tennisten jyl saiyn Parijde ótetin «Rolan Garros» týrniri taǵy bir aptaǵa shegerildi, dep habarlaidy "Ult aqparat".
Ulttyq olimpiada komiteti málim etkenindei, Frantsiia ashyq chempionaty biylǵy 27 qyrkúiek pen 11 qazan aralyǵynda ótetin boldy.
Uiymdastyrýshylar ATR jáne WTA-men keńeskennen keiin osyndai sheshimge keldi. Bul tennisshilerdiń taǵy bir «Úlken dýlyǵa» dodasy – US Open týrnirinen keiin qalpyna kelýlerine múmkindik beredi.
Budan buryn jazǵanymyzdai, «Rolan Garros» týrniri kúzge qaldyrylyp, 20 qyrkúiek pen 4 qazan aralyǵynda ótetin bolǵan-dy. Olai bolǵan jaǵdaida bir apta buryn aiaqtalatyn US Open týrnirinen keiin sportshylardyń daiyndalýyna ýaqyt qalmaityn.
«Rolan Garros» – jyl saiyn ótetin tórt «Úlken dýlyǵa» týrniriniń biri. Oǵan qazaqstandyq tennisshiler de únemi qatysyp, baq synap keledi.
