Qazaqstandyq, álemniń 44-raketkasy Iýliia Pýtintseva Portoroj (Sloveniia) WTA 250 týrniriniń ekinshi ainalymyna shyqty, dep habarlaidy QazAqparat.
Osy jarystyń 2-raketkasy bolyp tirkelgen Iu.Pýtnntseva alǵashqy ainalymda dúniejúzilik reitingte 127-orynda turǵan rýmyniialyq Jaklin Kristianmen kezdesti.
Qazaqstandyq tennisshi 6:4, 6:4 esebimen jeńiske jetti.
Saǵat jarymnan astam ýaqytqa sozylǵan báseke barysynda Iu.Pýtintseva 4 breik-pointtyń úsheýin paidalansa, qarsylasy 1 breikpen (6 breik-point) shekteldi.
Iu.Pýtintseva ekinshi ainalymda álemniń 171-raketkasy, ulybritaniialyq Keti Býltermen kortqa shyǵady. Ol 135-satydaǵy ýkrainalyq Katarina Zavatskaiany 7:5, 6:3 esebimen tize búktirdi.
Júlde qory 190 myń AQSh dollaryna jýyqtaityn atalmysh doda 19 qyrkúiekte márege jetedi.
