قازاقستاندىق, ەلەمنٸڭ 44-راكەتكاسى يۋلييا پۋتينتسەۆا پورتوروج (سلوۆەنييا) WTA 250 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى قازاقپارات.
وسى جارىستىڭ 2-راكەتكاسى بولىپ تٸركەلگەن يۋ.پۋتننتسەۆا العاشقى اينالىمدا دٷنيەجٷزٸلٸك رەيتينگتە 127-ورىندا تۇرعان رۋمىنييالىق جاكلين كريستيانمەن كەزدەستٸ.
قازاقستاندىق تەننيسشٸ 6:4, 6:4 ەسەبٸمەن جەڭٸسكە جەتتٸ.
ساعات جارىمنان استام ۋاقىتقا سوزىلعان بەسەكە بارىسىندا يۋ.پۋتينتسەۆا 4 برەيك-پوينتتىڭ ٷشەۋٸن پايدالانسا, قارسىلاسى 1 برەيكپەن (6 برەيك-پوينت) شەكتەلدٸ.
يۋ.پۋتينتسەۆا ەكٸنشٸ اينالىمدا ەلەمنٸڭ 171-راكەتكاسى, ۇلىبريتانييالىق كەتي بۋلتەرمەن كورتقا شىعادى. ول 135-ساتىداعى ۋكراينالىق كاتارينا زاۆاتسكايانى 7:5, 6:3 ەسەبٸمەن تٸزە بٷكتٸردٸ.
جٷلدە قورى 190 مىڭ اقش دوللارىنا جۋىقتايتىن اتالمىش دودا 19 قىركٷيەكتە مەرەگە جەتەدٸ.
