Qazaqstandyq Iýliia Pýtintseva Rolan Garros týrniriniń úshinshi ainalymyna shyǵa almady, dep habarlaidy "Ult aqparat".
Álemniń 27-raketkasy Iu.Pýtintseva Parijde ótip jatqan Frantsiia ashyq chempionatynyń ekinshi ainalymynda reitingide 131-orynda turǵan argentinalyq Nadia Podoroshkamen kezdesti.
Qazaqstandyq tennisshi biyl 25-ke tolsa, qarsylasy odan eki jas kishi edi.
Reitingisi tómen bolǵanyna qaramastan, argentinalyq sportshy birinshi partiiada esep 3:3 bolǵan mezette breik jasap ketti. Sosyn taǵy bir breikpen bitirdi – 6:3.
Esesine ekinshi sette qazaqstandyq tennisshi breikpen alǵa shyqty – 2:1. Sodan keiin taǵy eki breik jasap, 6:1-ge jetkizdi.
Sheshýshi, úshinshi partiiada N.Podoroshka qatarynan eki breik jasap, 4:1 esebimen alǵa ketti. Osydan keiin ǵana Iu.Pýtintseva breikpen esepti qysqarta aldy. Alaida qaiyra breik jasaǵan qarsylasy esepti 5:2-ge jetkizdi. Aqyry ol ekinshi matchbolyn sátti paidalana bildi – 6:2.
Báseke 2 saǵat 2 minýtqa sozyldy.
N.Podoroshka úshinshi ainalymda reitingide 161-satydaǵy slovakiialyq Anna Shmidlovamen sheberlik baiqasady. Ol álemniń 14-inshi osy dodanyń 10-raketkasy, Belarýs ókili Viktoriia Azarenkony 6:2, 6:2 esebimen jeńip ketti.
Búgin erler arasynda Aleksandr Býblik italiialyq Lorentso Sonegomen, Mihail Kýkýshkin ispaniialyq Pedro Martinespen oinaidy.
