تەننيس: پۋتينتسەۆا رولان گارروس تۋرنيرٸنٸڭ ٷشٸنشٸ اينالىمىنا شىعا المادى

قازاقستاندىق يۋلييا پۋتينتسەۆا رولان گارروس تۋرنيرٸنٸڭ ٷشٸنشٸ اينالىمىنا شىعا المادى, دەپ حابارلايدى "ۇلت اقپارات".

ەلەمنٸڭ 27-راكەتكاسى يۋ.پۋتينتسەۆا پاريجدە ٶتٸپ جاتقان فرانتسييا اشىق چەمپيوناتىنىڭ ەكٸنشٸ اينالىمىندا رەيتينگٸدە 131-ورىندا تۇرعان ارگەنتينالىق ناديا پودوروشكامەن كەزدەستٸ.

قازاقستاندىق تەننيسشٸ بيىل 25-كە تولسا, قارسىلاسى ودان ەكٸ جاس كٸشٸ ەدٸ.

رەيتينگٸسٸ تٶمەن بولعانىنا قاراماستان, ارگەنتينالىق سپورتشى بٸرٸنشٸ پارتييادا ەسەپ 3:3 بولعان مەزەتتە برەيك جاساپ كەتتٸ. سوسىن تاعى بٸر برەيكپەن بٸتٸردٸ – 6:3.

ەسەسٸنە ەكٸنشٸ سەتتە قازاقستاندىق تەننيسشٸ برەيكپەن العا شىقتى – 2:1. سودان كەيٸن تاعى ەكٸ برەيك جاساپ, 6:1-گە جەتكٸزدٸ.

شەشۋشٸ, ٷشٸنشٸ پارتييادا ن.پودوروشكا قاتارىنان ەكٸ برەيك جاساپ, 4:1 ەسەبٸمەن العا كەتتٸ. وسىدان كەيٸن عانا يۋ.پۋتينتسەۆا برەيكپەن ەسەپتٸ قىسقارتا الدى. الايدا قايىرا برەيك جاساعان قارسىلاسى ەسەپتٸ 5:2-گە جەتكٸزدٸ. اقىرى ول ەكٸنشٸ ماتچبولىن سەتتٸ پايدالانا بٸلدٸ – 6:2.

بەسەكە 2 ساعات 2 مينۋتقا سوزىلدى.

ن.پودوروشكا ٷشٸنشٸ اينالىمدا رەيتينگٸدە 161-ساتىداعى سلوۆاكييالىق اننا شميدلوۆامەن شەبەرلٸك بايقاسادى. ول ەلەمنٸڭ 14-ٸنشٸ وسى دودانىڭ 10-راكەتكاسى, بەلارۋس ٶكٸلٸ ۆيكتورييا ازارەنكونى 6:2, 6:2 ەسەبٸمەن جەڭٸپ كەتتٸ.

بٷگٸن ەرلەر اراسىندا الەكساندر بۋبليك يتالييالىق لورەنتسو سونەگومەن, ميحايل كۋكۋشكين يسپانييالىق پەدرو مارتينەسپەن وينايدى.