Qazaqstandyq, álemniń 31- raketkasy Iýliia Pýtintseva Charlston (AQSh) WTA 500 týrniriniń ekinshi ainalymyna shyqty, dep habarlaidy QazAqparat.
Osy jarystyń 11-raketkasy Iýliia Pýtintseva alǵashqy kezdesýin reitingte 149-orynda turǵan ulybritaniialyq Herriet Dartpen ótkizdi.
Birinshi partiiada tai-breikte qazaqstandyq tennisshi jeńisti julyp aldy – 7:6 (10:8).
Pýtintseva ekinshi sette de esesin jibermedi – 6:4.
Tartysty báseke 2 saǵattan sál astam ýaqytqa sozyldy.
Iu.Pýtintseva ekinshi ainalymda otandasy Zarina Diiaspen sheberlik baiqasady.
Qazaqstannyń birinshi, álemniń 23-raketkasy Elena Rybakina reitingte 118-satydaǵy amerikalyq Keti Maknallimen kezdesti.
Birinshi set 4:6 esebimen qarsylasynyń paidasyna sheshilgennen keiin qazaqstandyq tennisshi jarysty jalǵastyrýdan bas tartty.
Júlde qory 565 myń AQSh dollarynan asatyn Charlston dodasy 11 sáýirde márege jetedi.
