قازاقستاندىق, ەلەمنٸڭ 31- راكەتكاسى يۋلييا پۋتينتسەۆا چارلستون (اقش) WTA 500 تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى قازاقپارات.
وسى جارىستىڭ 11-راكەتكاسى يۋلييا پۋتينتسەۆا العاشقى كەزدەسۋٸن رەيتينگتە 149-ورىندا تۇرعان ۇلىبريتانييالىق حەرريەت دارتپەن ٶتكٸزدٸ.
بٸرٸنشٸ پارتييادا تاي-برەيكتە قازاقستاندىق تەننيسشٸ جەڭٸستٸ جۇلىپ الدى – 7:6 (10:8).
پۋتينتسەۆا ەكٸنشٸ سەتتە دە ەسەسٸن جٸبەرمەدٸ – 6:4.
تارتىستى بەسەكە 2 ساعاتتان سەل استام ۋاقىتقا سوزىلدى.
يۋ.پۋتينتسەۆا ەكٸنشٸ اينالىمدا وتانداسى زارينا ديياسپەن شەبەرلٸك بايقاسادى.
قازاقستاننىڭ بٸرٸنشٸ, ەلەمنٸڭ 23-راكەتكاسى ەلەنا رىباكينا رەيتينگتە 118-ساتىداعى امەريكالىق كەتي ماكنالليمەن كەزدەستٸ.
بٸرٸنشٸ سەت 4:6 ەسەبٸمەن قارسىلاسىنىڭ پايداسىنا شەشٸلگەننەن كەيٸن قازاقستاندىق تەننيسشٸ جارىستى جالعاستىرۋدان باس تارتتى.
جٷلدە قورى 565 مىڭ اقش دوللارىنان اساتىن چارلستون دوداسى 11 سەۋٸردە مەرەگە جەتەدٸ.
