Qazaqstandyq Mihail Kýkýshkin Shanhai ATP týrniriniń ekinshi ainalymyna shyqty, dep habarlaidy "Ult aqparat".
Dúniejúzilik reitingte 57-orynda turǵan M.Kýkýshkin alǵashqy ainalymda álemniń 50-raketkasy, serbiialyq Miomir Ketsmanovichpen kezdesti.
Qazaqstandyq tennisshi 7:6 (7:4), 6:4 esebimen jeńiske jetti.
Báseke 1 saǵat 43 minýtqa sozyldy.
M.Kýkýshkin ekinshi ainalymda álemniń 14-raketkasy, belgiialyq David Goffen nemese reitingte 52-satydaǵy frantsiialyq Rishar Gaskeniń bireýimen sheberlik baiqasady.
Júlde qory 8,3 mln astam AQSh dollaryna baǵalanǵan Shanhai dodasy 13 qazanda márege jetedi.
Eske sala keteiik, budan buryn A.Býbliktiń álemdik reitingte kóterilgenin, Iu.Pýtintsevanyń Tiantszin týrnirin jeńispen bastaǵanyn jazǵan bolatynbyz.
