Qazaqstan ulttyq quramasy Halyqaralyq tennis federatsiiasy (ITF) Devis kýbogy reitingisindegi kórsetkishin jaqsartty, dep habarlaidy QazAqparat.
Qazaqstan tennis federatsiiasy málim etkenindei, ulttyq qurama 13-orynnan 9-satyǵa kóterildi.
Osylaisha Qazaqstan quramasy úzdik ondyqqa kirdi. Bul Devis kýbogy irikteý kezeńinde Norvegiia quramasyn jeńýi arqasynda múmkin boldy. Sóitip álem chempionatynyń finaldyq kezeńine joldama alǵan edi.
Devis kýbogynyń finaldyq kezeńi biyl qyrkúiek aiynda, plei-off básekeleri qarashada ótedi. Final men plei-off oiyndary bolatyn qalalar naýryzdyń aiaǵy ne sáýirdiń basynda anyqtalady.
