Madridte Devis kýbogynyń shirek finalynda Qazaqstan quramasy Serbiiaǵa ese jiberdi, dep habarlaidy QazAqparat.
Ekinshi oiynda álemniń 1-raketkasy Novak Djokovich pen qazaqstandyq Aleksandr Býblik kúsh synasty.
Bul joly A.Býbliktiń «Úlken dýlyǵa» týrnirin 20 ret utqan N.Djokovichpen birinshi kezdesýi edi.
Birinshi partiiada serbiialyq tennisshi breikpen alǵa ketip, sol basymdylyǵyn saqtap qaldy – 6:3.
Djokovich ekinshi sette de breikpen alǵa shyqty – 3:1.
Aqyry esesin jibergen joq – 6:4.
Bir saǵat 14 minýtqa sozylǵan básekede N.Djokovich 4 eis, 2 breikke qol jetkizdi. A.Býblik 12 eis jasaǵanymen, 2 breik-pointty paidalana alǵan joq.
Osylaisha Qazaqstan – Serbiia matchynda tarazy basy teńesti – 1:1.
Match taǵdyry juptyq synda sheshildi.
Andrei Golýbev pen Aleksandr Nedovesov serbiialyqtar N.Djokovich – Nikola Kachichpen sheberlik baiqasty.
Birinshi partiiada serbiialyqtar qos breikpen basymdylyq kórsetti – 6:2.
Ekinshisinde qazaqstandyq jup dál sondai eseppen ese qaiyrdy – 6:2.
Úshinshi, sheshýshi partiiada taǵy eki breik jasaǵan serbiialyqtar matchty jeńispen bitirdi –6:3.
Bir saǵat 39 minýtqa sozylǵan báseke barysynda N.Djokovichtiń sheberligi aiqyn kórindi.
Sóitip jartylai finalǵa Serbiia joldama aldy. Olar finalǵa shyǵý úshin Horvatiiamen baq synasady.
