تەننيس: قازاقستان دەۆيس كۋبوگىنىڭ جارتىلاي فينالىنا شىعا المادى

مادريدتە دەۆيس كۋبوگىنىڭ شيرەك فينالىندا قازاقستان قۇراماسى سەربيياعا ەسە جٸبەردٸ, دەپ حابارلايدى قازاقپارات.

ەكٸنشٸ ويىندا ەلەمنٸڭ 1-راكەتكاسى نوۆاك دجوكوۆيچ پەن قازاقستاندىق الەكساندر بۋبليك كٷش سىناستى. 

بۇل جولى ا.بۋبليكتٸڭ «ٷلكەن دۋلىعا» تۋرنيرٸن 20 رەت ۇتقان ن.دجوكوۆيچپەن بٸرٸنشٸ كەزدەسۋٸ ەدٸ. 

بٸرٸنشٸ پارتييادا سەربييالىق تەننيسشٸ برەيكپەن العا كەتٸپ, سول باسىمدىلىعىن ساقتاپ قالدى – 6:3.

دجوكوۆيچ ەكٸنشٸ سەتتە دە برەيكپەن العا شىقتى – 3:1.

اقىرى ەسەسٸن جٸبەرگەن جوق – 6:4.

بٸر ساعات 14 مينۋتقا سوزىلعان بەسەكەدە ن.دجوكوۆيچ 4 ەيس, 2 برەيككە قول جەتكٸزدٸ. ا.بۋبليك 12 ەيس جاساعانىمەن, 2 برەيك-پوينتتى پايدالانا العان جوق. 

وسىلايشا قازاقستان – سەربييا ماتچىندا تارازى باسى تەڭەستٸ – 1:1. 

ماتچ تاعدىرى جۇپتىق سىندا شەشٸلدٸ.

اندرەي گولۋبەۆ پەن الەكساندر نەدوۆەسوۆ سەربييالىقتار ن.دجوكوۆيچ – نيكولا كاچيچپەن شەبەرلٸك بايقاستى. 

بٸرٸنشٸ پارتييادا سەربييالىقتار قوس برەيكپەن باسىمدىلىق كٶرسەتتٸ – 6:2.

ەكٸنشٸسٸندە قازاقستاندىق جۇپ دەل سونداي ەسەپپەن ەسە قايىردى – 6:2. 

ٷشٸنشٸ, شەشۋشٸ پارتييادا تاعى ەكٸ برەيك جاساعان سەربييالىقتار ماتچتى جەڭٸسپەن بٸتٸردٸ –6:3. 

بٸر ساعات 39 مينۋتقا سوزىلعان بەسەكە بارىسىندا ن.دجوكوۆيچتٸڭ شەبەرلٸگٸ ايقىن كٶرٸندٸ. 

سٶيتٸپ جارتىلاي فينالعا سەربييا جولداما الدى. ولار فينالعا شىعۋ ٷشٸن حورۆاتييامەن باق سىناسادى.