Qazaqstannyń birinshi, álemniń 18-raketkasy Elena Rybakina Maiami WTA 1000 týrniriniń úshinshi ainalymyna shyqty, dep habarlaidy QazAqparat.
Júlde qory 8,3 mln AQSh dollarynan asatyn iri jarystyń 17-raketkasy bolyp tirkelgen qazaqstandyq tennisshi dodany ekinshi ainalymnan bastady.
E.Rybakinaǵa álemniń 57-raketkasy, rýmyniialyq Elena Gabriela Rýze qarsy turdy.
Qos tennisshiniń bul ózara alǵashqy kezdesýi edi.
Birinshi partiiada qazaqstandyq sportshy basymdylyq tanytty – 6:4.
Ekinshi sette rýmyniialyq sportshy taǵy bir breik jasaǵanymen, E.Rybakina tarazy basyn qaita teńestirdi. Aqyry matchty taǵy bir breikpen támam qyldy – 7:5.
Qazaqstandyq tennisshi 1 saǵat 45 minýtqa sozylǵan báseke barysynda 7 eis jasap, 10 breik-pointtyń altaýyn múlt jibermedi. Qarsylasy 2 eis, 4 breikten (7 breik-point) asa almady.
Elena Rybakina úshinshi ainalymda qos amerikalyq, álemniń 21-raketkasy Djessika Pegýla nemese reitingte 38-orynda turǵan 2017 jylǵy US Open týrniriniń jeńimpazy Sloan Stivenstiń bireýimen sheberlik baiqasady.
Ótken jyly osy dodada E.Rybakina úshinshi ainalymǵa deiin jetken edi.
