قازاقستاننىڭ بٸرٸنشٸ, ەلەمنٸڭ 18-راكەتكاسى ەلەنا رىباكينا مايامي WTA 1000 تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى قازاقپارات.
جٷلدە قورى 8,3 ملن اقش دوللارىنان اساتىن ٸرٸ جارىستىڭ 17-راكەتكاسى بولىپ تٸركەلگەن قازاقستاندىق تەننيسشٸ دودانى ەكٸنشٸ اينالىمنان باستادى.
ە.رىباكيناعا ەلەمنٸڭ 57-راكەتكاسى, رۋمىنييالىق ەلەنا گابريەلا رۋزە قارسى تۇردى.
قوس تەننيسشٸنٸڭ بۇل ٶزارا العاشقى كەزدەسۋٸ ەدٸ.
بٸرٸنشٸ پارتييادا قازاقستاندىق سپورتشى باسىمدىلىق تانىتتى – 6:4.
ەكٸنشٸ سەتتە رۋمىنييالىق سپورتشى تاعى بٸر برەيك جاساعانىمەن, ە.رىباكينا تارازى باسىن قايتا تەڭەستٸردٸ. اقىرى ماتچتى تاعى بٸر برەيكپەن تەمام قىلدى – 7:5.
قازاقستاندىق تەننيسشٸ 1 ساعات 45 مينۋتقا سوزىلعان بەسەكە بارىسىندا 7 ەيس جاساپ, 10 برەيك-پوينتتىڭ التاۋىن مٷلت جٸبەرمەدٸ. قارسىلاسى 2 ەيس, 4 برەيكتەن (7 برەيك-پوينت) اسا المادى.
ەلەنا رىباكينا ٷشٸنشٸ اينالىمدا قوس امەريكالىق, ەلەمنٸڭ 21-راكەتكاسى دجەسسيكا پەگۋلا نەمەسە رەيتينگتە 38-ورىندا تۇرعان 2017 جىلعى US Open تۋرنيرٸنٸڭ جەڭٸمپازى سلوان ستيۆەنستٸڭ بٸرەۋٸمەن شەبەرلٸك بايقاسادى.
ٶتكەن جىلى وسى دودادا ە.رىباكينا ٷشٸنشٸ اينالىمعا دەيٸن جەتكەن ەدٸ.
