Qazaqstannyń birinshi, álemniń 14-raketkasy Elena Rybakina Adelaida (Aýstraliia) 500 WTA týrnirin jeńispen bastady, dep habarlaidy QazAqparat.
Osy dodanyń 7-raketkasy bolyp tirkelgen Rybakina jańa jyldaǵy alǵashqy kezdesýin dúniejúzilik reitingide 132-orynda turǵan aýstraliialyq Storm Sanderspen ótkizdi.
Birinshi partiiada qazaqstandyq tennisshi basymdylyq tanytty – 6:4.
Ekinshisinde aýstraliialyq sportshy 6:1 esebimen ese qaiyrsa, úshinshi, sheshýshi sette Rybakina qarsylasyna esh múmkindik qaldyrǵan joq – 6:1.
Eki saǵatqa sozylǵan báseke barysynda Elena 9 eis jasap, 14 breik-pointtyń beseýin paidalana aldy. Qarsylasy 5 eis, 4 breikpen (13 breik-point) shekteldi.
Rybakinanyń ekinshi ainalymdaǵy qarsylasy keiin anyqtalady.
Júlde qory 535 myń AQSh dollaryna baǵalanǵan atalmysh doda 9 qańtarda márege jetedi.
Ótken jyly munda Polsha ókili Iga Sventek shveitsariialyq Belinda Benchichti 6:2, 6:2 esebimen utyp, jeńimpaz atanǵan bolatyn.
