قازاقستاننىڭ بٸرٸنشٸ, ەلەمنٸڭ 14-راكەتكاسى ەلەنا رىباكينا ادەلايدا (اۋسترالييا) 500 WTA تۋرنيرٸن جەڭٸسپەن باستادى, دەپ حابارلايدى قازاقپارات.
وسى دودانىڭ 7-راكەتكاسى بولىپ تٸركەلگەن رىباكينا جاڭا جىلداعى العاشقى كەزدەسۋٸن دٷنيەجٷزٸلٸك رەيتينگٸدە 132-ورىندا تۇرعان اۋسترالييالىق ستورم ساندەرسپەن ٶتكٸزدٸ.
بٸرٸنشٸ پارتييادا قازاقستاندىق تەننيسشٸ باسىمدىلىق تانىتتى – 6:4.
ەكٸنشٸسٸندە اۋسترالييالىق سپورتشى 6:1 ەسەبٸمەن ەسە قايىرسا, ٷشٸنشٸ, شەشۋشٸ سەتتە رىباكينا قارسىلاسىنا ەش مٷمكٸندٸك قالدىرعان جوق – 6:1.
ەكٸ ساعاتقا سوزىلعان بەسەكە بارىسىندا ەلەنا 9 ەيس جاساپ, 14 برەيك-پوينتتىڭ بەسەۋٸن پايدالانا الدى. قارسىلاسى 5 ەيس, 4 برەيكپەن (13 برەيك-پوينت) شەكتەلدٸ.
رىباكينانىڭ ەكٸنشٸ اينالىمداعى قارسىلاسى كەيٸن انىقتالادى.
جٷلدە قورى 535 مىڭ اقش دوللارىنا باعالانعان اتالمىش دودا 9 قاڭتاردا مەرەگە جەتەدٸ.
ٶتكەن جىلى مۇندا پولشا ٶكٸلٸ يگا سۆەنتەك شۆەيتسارييالىق بەليندا بەنچيچتٸ 6:2, 6:2 ەسەبٸمەن ۇتىپ, جەڭٸمپاز اتانعان بولاتىن.
