Álemniń 195-raketkasy, qazaqstandyq Dmitrii Popko Almaty chellendjer týrniriniń shirek finalyna shyqty, dep habarlaidy "Ult aqparat".
Osy dodanyń 6-raketkasy bolyp tirkelgen Popko ekinshi ainalymda dúniejúzilik reitingte 338-orynda turǵan 19 jastaǵy rýmyniialyq Filip Jiianýmen sheberlik baiqasty.
Qazaqstandyq tennisshi birinshi partiiany breikpen bitirdi – 7:5.
Popko ekinshi setti de breikpen bastady – 2:0. Aqyry osy basymdylyqty saqtap qala aldy – 6:3.
Birshama tartysty ótken báseke 1 saǵat 53 minýtqa sozyldy.
Popko jartylai finalǵa shyǵý úshin álemniń 108-inshi, osy jarystyń 1-raketkasy, slovakiialyq Andrei Martinmen talasady. Qazaqstandyq sportshy úshin sheshýshi kezdesýdiń biri osy bolmaq.
