Qazaqstandyq, álemniń 195-raketkasy Dmitrii Popko Almaty chellendjer týrniriniń finalyna shyǵa almady, dep habarlaidy "Ult aqparat".
Osy jarystyń 6-raketkasy bolyp tirkelgen D.Popko jartylai finalda dúniejúzilik reitingte 259-orynda turǵan belgiialyq Zizý Bergspen kúsh synasty.
Birinshi partiiany D.Popko breikpen bastaǵanymen, qarsylasy teńestirip otyrdy. Degenmen 6:5 esebimen alǵa shyqqan qazaqstandyq tennisshi óz geimin ala bildi – 7:5.
Ekinshi setti 22 jastaǵy belgiialyq sportshy óz esebine jazdy – 6:3.
Úshinshi, sheshýshi partiiada Z.Bergs 5:1 esebimen alǵa ketti.
Osydan keiin D.Popko jarysty jalǵastyrýdan bas tartty. Báseke 2 saǵattan astam ýaqytqa sozyldy.
Belgiialyq tennisshi finalda taǵy bir qazaqstandyq Timofei Skatovpen kortqa shyǵady
