قازاقستاندىق, ەلەمنٸڭ 195-راكەتكاسى دميتريي پوپكو الماتى چەللەندجەر تۋرنيرٸنٸڭ فينالىنا شىعا المادى, دەپ حابارلايدى "ۇلت اقپارات".
وسى جارىستىڭ 6-راكەتكاسى بولىپ تٸركەلگەن د.پوپكو جارتىلاي فينالدا دٷنيەجٷزٸلٸك رەيتينگتە 259-ورىندا تۇرعان بەلگييالىق زيزۋ بەرگسپەن كٷش سىناستى.
بٸرٸنشٸ پارتييانى د.پوپكو برەيكپەن باستاعانىمەن, قارسىلاسى تەڭەستٸرٸپ وتىردى. دەگەنمەن 6:5 ەسەبٸمەن العا شىققان قازاقستاندىق تەننيسشٸ ٶز گەيمٸن الا بٸلدٸ – 7:5.
ەكٸنشٸ سەتتٸ 22 جاستاعى بەلگييالىق سپورتشى ٶز ەسەبٸنە جازدى – 6:3.
ٷشٸنشٸ, شەشۋشٸ پارتييادا ز.بەرگس 5:1 ەسەبٸمەن العا كەتتٸ.
وسىدان كەيٸن د.پوپكو جارىستى جالعاستىرۋدان باس تارتتى. بەسەكە 2 ساعاتتان استام ۋاقىتقا سوزىلدى.
بەلگييالىق تەننيسشٸ فينالدا تاعى بٸر قازاقستاندىق تيموفەي سكاتوۆپەن كورتقا شىعادى
