Qazaqstandyq Dmitrii Popko Orlando (AQSh) chellendjer týrniriniń shirek finalyna shyqty, dep habarlaidy "Ult aqparat".
Álemniń 172-raketkasy D.Popko eki kezdesýin jeńispen támamdady.
Qazaqstandyq tennisshi aldymen reitingte 245-orynda turǵan amerikalyq Noi Rýbindi 6:1, 6:2 esebimen ońai utty.
Al reitingte nebári 954-satyda turǵan taǵy bir amerikalyq Zakari Svaidpen ótken tartysty match úsh saǵattan astam ýaqytqa sozyldy. Munda D.Popko 7:5, 1:6, 7:5 esebimen qarsylasynyń meselin qaiyrdy.
D.Popko jartylai finalǵa shyǵý úshin álemniń 137-raketkasy, úndistandyq Pradjnesh Gýnnesvaranmen talasady.
Juptyq synda týrnirdiń 2-raketkasy bolyp tirkelgen qazaqstandyqtar Andrei Golýbev pen Aleksandr Nedovesov ta shirek finalǵa shyqty. Olar reseilik Teimýraz Gabashvili men amerikalyq Denis Novikovti 6:7 (4:7), 6:2, 10:5 esebimen tize búktirdi. Endi jartylai finalǵa shyǵý úshin D.Popko men kanadalyq Piter Polanski jubymen kezdesedi. D.Popko men P.Polanski buǵan deiin amerikalyqtar Kristofer Iýbenks pen Brendon Nakashimany 3:6, 6:2, 10:6 esebimen joldan taidyrdy.
