Almaty qalasynda erler arasynda ekinshi chellendjer týrniri ótýde, dep habarlaidy "Ult aqparat".
Qazaqstan tennis federatsiiasy málim etkendei, búgin qazaqstandyq Denis Evseev jarystyń ekinshi ainalymyna shyqty.
D.Evseev bastapqy kezdesýin reseilik Evgenii Tiýrnevpen ótkizip, 6:7 (10:12), 6:3, 7:5 esebimen jeńiske jetti.
Tartysty báseke 2 saǵat 12 minýtqa sozyldy. Denis bir ret eis jasap, bes breikke qol jetkizdi. Qarsylasy 19 eis, 3 breik jasady.
Bul olardyń ózara alǵashqy kezdesýi edi.
Ótken aptada Almatydaǵy birinshi chellendjer jarysynyń finalyna deiin jetken taǵy bir qazaqstandyq Timofei Skatov bul joly bosniialyq Mirza Bashichke 3:6, 1:6 esebimen ese jiberip, alǵashqy ainalymnan asa almai qaldy.
