الماتى قالاسىندا ەرلەر اراسىندا ەكٸنشٸ چەللەندجەر تۋرنيرٸ ٶتۋدە, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەندەي, بٷگٸن قازاقستاندىق دەنيس ەۆسەەۆ جارىستىڭ ەكٸنشٸ اينالىمىنا شىقتى.
د.ەۆسەەۆ باستاپقى كەزدەسۋٸن رەسەيلٸك ەۆگەنيي تيۋرنەۆپەن ٶتكٸزٸپ, 6:7 (10:12), 6:3, 7:5 ەسەبٸمەن جەڭٸسكە جەتتٸ.
تارتىستى بەسەكە 2 ساعات 12 مينۋتقا سوزىلدى. دەنيس بٸر رەت ەيس جاساپ, بەس برەيككە قول جەتكٸزدٸ. قارسىلاسى 19 ەيس, 3 برەيك جاسادى.
بۇل ولاردىڭ ٶزارا العاشقى كەزدەسۋٸ ەدٸ.
ٶتكەن اپتادا الماتىداعى بٸرٸنشٸ چەللەندجەر جارىسىنىڭ فينالىنا دەيٸن جەتكەن تاعى بٸر قازاقستاندىق تيموفەي سكاتوۆ بۇل جولى بوسنييالىق ميرزا باشيچكە 3:6, 1:6 ەسەبٸمەن ەسە جٸبەرٸپ, العاشقى اينالىمنان اسا الماي قالدى.
