Qazaqstannyń birinshi, álemniń 45-raketkasy Aleksandr Býblik Melbýrnda ótip jatqan ATP 250 Great Ocean Road Open týrniriniń shirek finalyna shyǵa almady, dep habarlaidy "Ult aqparat".
Qazaqstandyq tennisshi úshinshi ainalymda reitingte 71-orynda turǵan italiialyq Stefano Travaliamen kúsh synasty.
Birinshi partiiada italiialyq tennisshiniń aiqyn basymdylyǵy baiqaldy – 6:1.
Ekinshi sette esesine A.Býblik breikpen alǵa ketti. Áitse de esep 5:4 bolyp, setke dop bergende, sol múmkindigin paidalana almady. Jeńis S.Travalianyń enshisinde ketti – 7:5.
Báseke 1 saǵat 6 minýtqa sozyldy.
S.Travalia shirek finalda álemniń 29-raketkasy, Polsha ókili Hýbert Gýrkach nemese reitingte 70-satydaǵy ýrýgvailyq Pablo Kýevastyń bireýimen sheberlik baiqasady.
Endi A.Býblik 8 aqpanda bastalatyn Aýstraliia ashyq chempionatynda baq synaidy.
