Qazaqstannyń birinshi, álemniń 33-raketkasy Aleksandr Býblik Indian-Ýells masters týrniriniń úshinshi ainalymyna shyqty, dep habarlaidy QazAqparat.
Júlde qory 8,5 AQSh dollarynan asatyn jarystyń 31-raketkasy bolyp tirkelgen A.Býblik dodany ekinshi ainalymnan bastap, kezinde reitingte kósh bastaǵan «Úlken dýlyǵa» týrniriniń úsh márte, eki dúrkin Olimpiada chempiony, ulybritaniialyq Endi Marreimen kezdesti.
Biyl Býblik Rotterdamda Marreiden jeńilip qalǵan bolatyn.
Bul joly eki saǵatqa jýyq ýaqytqa sozylǵan tartysty básekede qazaqstandyq tennisshi qazirgi kezde reitingte 88-orynda turǵan ataqty qarsylasyn 7:6 (11:9), 6:3 esebimen utty.
Býblik match barysynda 11 eis jasap, 5 breik-pointtyń bireýin paidalandy. Marrei 4 eispen shekteldi.
Úshinshi ainalymda otandasymyz álemniń 35-raketkasy, bolgariialyq Grigor Dimitrov nemese reitingte 78-satydaǵy aýstraliialyq Djordan Tompsonnyń bireýimen talasady.
