قازاقستاننىڭ بٸرٸنشٸ, ەلەمنٸڭ 33-راكەتكاسى الەكساندر بۋبليك ينديان-ۋەللس ماستەرس تۋرنيرٸنٸڭ ٷشٸنشٸ اينالىمىنا شىقتى, دەپ حابارلايدى قازاقپارات.
جٷلدە قورى 8,5 اقش دوللارىنان اساتىن جارىستىڭ 31-راكەتكاسى بولىپ تٸركەلگەن ا.بۋبليك دودانى ەكٸنشٸ اينالىمنان باستاپ, كەزٸندە رەيتينگتە كٶش باستاعان «ٷلكەن دۋلىعا» تۋرنيرٸنٸڭ ٷش مەرتە, ەكٸ دٷركٸن وليمپيادا چەمپيونى, ۇلىبريتانييالىق ەندي ماررەيمەن كەزدەستٸ.
بيىل بۋبليك روتتەردامدا ماررەيدەن جەڭٸلٸپ قالعان بولاتىن.
بۇل جولى ەكٸ ساعاتقا جۋىق ۋاقىتقا سوزىلعان تارتىستى بەسەكەدە قازاقستاندىق تەننيسشٸ قازٸرگٸ كەزدە رەيتينگتە 88-ورىندا تۇرعان اتاقتى قارسىلاسىن 7:6 (11:9), 6:3 ەسەبٸمەن ۇتتى.
بۋبليك ماتچ بارىسىندا 11 ەيس جاساپ, 5 برەيك-پوينتتىڭ بٸرەۋٸن پايدالاندى. ماررەي 4 ەيسپەن شەكتەلدٸ.
ٷشٸنشٸ اينالىمدا وتانداسىمىز ەلەمنٸڭ 35-راكەتكاسى, بولگارييالىق گريگور ديميتروۆ نەمەسە رەيتينگتە 78-ساتىداعى اۋسترالييالىق دجوردان تومپسوننىڭ بٸرەۋٸمەن تالاسادى.
