Qazaqstannyń birinshi, álemniń 49-raketkasy Aleksandr Býblik Antaliia ATP 250 týrniriniń shirek finalyna shyqty, dep habarlaidy "Ult aqparat".
Osy dodanyń 8-raketkasy bolyp tirkelgen Býblik ekinshi ainalymda dúniejúzilik reitingte 271-orynda turǵan frantsiialyq Tristan Lamazinmen kúsh synasty.
Birinshi partiiada qazaqstandyq tennisshi 4:2 esebimen alǵa ketti. Budan keiin de breik jasai aldy – 6:2.
Tartystyraq órbigen ekinshi sette de A.Býblik sheberliginiń basym ekendigin kórsetti – 6:4.
Báseke 1 saǵat 36 minýtqa sozyldy.
Aleksandr Býblik jartylai finalǵa shyǵý úshin álemniń 10-ynshy, osy týrnirdiń 1-raketkasy, italiialyq Matteo Berrettini nemese reitingte 298-satydaǵy bolgariialyq Dimitar Kýzmanovtyń qai jeńgenimen talasady.
