Aýstraliia ashyq chempionaty keiinge qaldyrylmaidy, 8 aqpan kúni bastalady, dep habarlaidy "Ult aqparat".
Qazaqstan tennis federatsiiasy málim etkenindei, «Úlken dýlyǵa» týrniriniń jerebe tartý rásimi bastapqyda kózdelgen beisenbi emes, erteń, juma kúni ótedi.
Tennis Australia basshysy ári Australian Open direktory Kreig Tili tennisshiler toqtaǵan Melbýrn qonaqúii kúzetshileriniń birinen koronavirýs tabylǵannan keiin qandai is-sharalar qabyldanatynyn áńgimelep berdi.
Kovidke 500-den astam adam test tapsyrady, sonyń ishinde 160 tennisshi bar. Nátijesi kóp uzamai belgili bolady. Uiymdastyrýshylar juqtyrý deńgeii óte tómen bolady dep esepteidi.
Kúzetshiden indet tabylýyna bailanysty Melbýrnda ótip jatqan ATP jáne WTA týrnirlerinde beisenbige belgilengen matchtar keiinge qaldyryldy.
WTA jarystary 5 aqpan kúni jańa sipatta jalǵasatyn bolady. Iaǵni tennisshiler tolyq eki setti ótkizedi. Úshinshisi qajet bolǵan jaǵdaida tai-breik túrinde 10 upaiǵa deiin sozylady.
ATP jáne ATP Cup dodalary dástúrli túrde jalǵasady.
Aýstraliia ashyq chempionatynda Qazaqstannan jeti tennisshi baq synaidy. Áielder arasynda Elena Rybakina, Iýliia Pýtintseva, Zarina Diias jáne Iaroslava Shvedova, erlerden Aleksandr Býblik pen Mihail Kýkýshkin oinaidy. Oǵan qosa A.Býblik Andrei Golýbevpen birge juptyq synda óner kórsetedi.
