Billi Djin King kýbogynyń plei-off kezeńinde Argentinamen oinaityn Qazaqstan áielder quramasy anyqtaldy, dep habarlaidy "Ult aqparat".
Qazaqstan tennis federatsiiasy málim etkenindei, básekeler Kordova (Argentina) qalasynda Cordoba Lawn Tennis Club topyraq tósenishi korttarynda 16-17 sáýir kúnderi ótedi.
Qazaqstan quramasyna myna oiynshylar endi.
1. Elena Rybakina (álemniń 23-raketkasy);
2. Iýliia Pýtintseva (31-raketka);
3. Zarina Diias (88-raketka);
4. Anna Danilina (290-raketka);
5. Iaroslava Shvedova (738) – Iaroslavanyń dekrettik demalysy kezindegi reitingisi esepke alyndy.
«El quramasy reiting pen tennisshilerdiń sońǵy kórsetkishterine sáikes jasaqtaldy. Jekelei synda Rybakina, Pýtintseva jáne Diias Qazaqstan namysyn qorǵaidy. Juptyq synda menimen birge Anna Danilina kortqa shyqpaqshy. Biraq juptyq synda dál kimniń oinaityny jekelei básekelerdiń nátijesine jáne tennisshilerdiń densaýlyǵy men jai-kúiine bailanysty bolmaq», dedi Qazaqstan áielder quramasynyń kapitany Shvedova.
Argentina – Qazaqstan matchynyń oiyn kestesi men qarsylas komanda quramy keiin jariialanady.
